(gibasa kaniadtong Pebrero 11, 2012 atol sa "Imong Atik, Akong Patik" nga Basabalak)
Bisan kon mahapuhap ko ikaw sa akong mga mata
Di ko gihapon mahikap ang imong kasingkasing
Sa kaduol atong duha nagkapingki ang atong mga balisbisan
Gani naggakos pa ang atong duha ka sandayong
Inig ulan maghiusa god ang atong tubig pagdailos sa ubos
Kon tutokan nato daw usa ra ang tinubdan sa dagayday
Sa atong damgo ingon man ang padulngan
Ning atong pangandoy sa layong unahan.
Apan wa pay umoy ang akong pulong pagkablit kanimo
Bisan karon nga ikaw tupad na kanako
Naghuwat dinhi sa kahilom kanus-a nako takdoon.
Ug bugkuson ang kutay sa atong gilay-on.
ERNESTO LARIOSA
San Fernando, Sugbo
0 komentaryo:
Post a Comment