Basabalak sa Agosto

Mga Higala sa Tinuohang Bisdak nga Pamalak,

Karong Sabado, Agosto 18, 2012, magkatapok na usab kita alang sa usa ka gabii sa pagsalo-salo sa atong mga balak. Niining gabhiona, dal-a ang imong tinipigang balak ug atong ipabulhot uban sa Habagat!

Imbitara ang imong mga higala ug kaubanan sa atong tinuohan aron daghang kitang magsadya sa Handuraw. Himoon natong sumsoman ang atong mga lakbit-saysay sa kinabuhi dinha sa balak nga atong itagay sa entablado aron kitang tanan mahubog ug manguli nga magsaguyod ang tiil dinha sa salog.

Kitakita ta karong Sabado, mga tigtagay og balak! Ang imong pag-abot atong isibya sa hawanan sa atong panumdoman.

Ayaw gayod sipyata!



Imong higala sa tinuohan nga karon usa na ka lehitimong organisasyon ubos sa SEC,
BATHALAD SUGBO

Read More

Basabalak sa Hunyo

Mga higala, magtapok-tapok kita sa Handuraw sa Sabado sa gabii alang sa atong binuwan nga basabalak.

Read More

Larawan sa Basabalak sa Mayo

Mga hulagway sa Basabalak sa Mayo. 

Gipahigayon niadtong Mayo 19 sa Handuraw Pizza sa dalan Gorordo.

Josua Cabrera

Kay Paler-Rivera, Radel Paredes, Noel Villaflor

Read More

Basabalak sa Mayo

Kitakits ta karong Sabado, mga higala! 

Ang Bathalan-ong Halad sa Dagang kun BATHALAD usa ka pundok sa mga magsusulat sa pinulongang Binisayang Sinugboanon. Kini natukod niadtong Agosto 19, 1969, pinaagi sa paningkamot ni Dr. Melquiadito M. Allego, Jr.

Read More

BATHALAD Informal Workshop

Kitakits ta karong Sabado, mga higala!

Ang Bathalan-ong Halad sa Dagang kun BATHALAD usa ka pundok sa mga magsusulat sa pinulongang Binisayang Sinugboanon. Kini natukod niadtong Agosto 19, 1969, pinaagi sa paningkamot ni Dr. Melquiadito M. Allego, Jr.

Read More

Basabalak sa Maribago

Kaniadtong Abril 22, 2012, Dominggo, atol sa Earth Day celebration sa Maribago, giimbitar ang BATHALAD nga mobasa og balak ug balitaw. Ania ang mga hulagway atol sa maong event:

Ang mga mingbasa og balak mao kining mosunod:

1. Jeremiah Bondoc

2. Romeo Nicolas Bonsocan

3. Radel Paredes

4. Josua Cabrera

5. Karla Quimsing

Sa balitaw, mao kini sila ang mingbasa:

1. Karla Quimsing

2. Dodong Morallo

Read More

4/14/12 Tabi sa Tigom

Tabi sa Tigom

Abril 14, 2012

The Pantry, 6:15pm hangtod 7:05 pm

Mga Mingtambong:

·         Jeremiah Bondoc

·         Nancy Noel

·         Josua Cabrera

·         Radel Paredes

·         Romeo Nicolas Bonsocan

·         Greg Fernandez

·         Vince Cinchez

·         Ton Kintanar

I.      Basabalak sa MARIBAGO

·         Gitakda sa Abril 22 ang Basabalak sa Abril ug kini mahitabo sa Maribago alang sa Earth Day Celebration.

·         Ala una (1pm) sa hapon gitakdang magsugod ang Basabalak ug may 30 minuto ang Bathalad sa tibuok programa.

·         Giplanong may 5 ka magbabalak (2-3 balak ang matag usa) ug usa ka balitaw ang buhaton.

·         Ania ang mga mobasa og balak: Josua, Radel, Jeremiah, Romeo ug usa ka laing miyembro.

·         Ang balitaw suwaton ni Greg ug silang Karla ang mobasa niini.

II.    E-book

·         Dapat sa kataposan sa buwan mahan-ay na ang mga balak alang sa libro.

·         Kon duna pa kay balak, mamahimo pa kining ipadala sa bathalad@gmail.com.

III.   Book Project ni PJ Garcia

·         Giplanohan sa grupo nga ang himoon na lang kining workshop.

·         Wala pay paynal nga desisyon ang grupo.

IV.  Basabalak sa Hulyo

·         Himoon kini sa Cultural Event sa Aloguinsan nga giplano ni PJ Garcia.

V.   Bathalad Finances

·         Gikan sa Kal-ang Exhibit, nadawat na ni Nancy gikan kang Josua ang bahin alang sa organisasyon: P5,000 – P2,000 (gasto sa buffet sa event) = P3,000.00

VI.  Sunod nga Meeting

·         Gitakda nga sa Abril 28 ang sunod nga meeting.

·         Kini ang himoong unang Informal Workshop/ Critiquing sa grupo.

·         Ang matag ikaduhang tigom sa buwan himoon nang Informal Workshop sa grupo.

·         Ang mga motambong dapat magdala og balak nga i-critique sa workshop.

·         Kini himoon sa The Pantry, Abril 28, sa alas 3 sa hapon.

VII.   Gagmayng Tabi

·         Bisdak Contribution – OK

·         Sertipiko alang sa Magsusulat sa Tuig – Kinahanglan pang i-edit ang text

·         Kon dunay gustong moapil sa grupo, mas nindot kon motambong sila sa mga basabalak o informal workshop sa grupo nga takdang sugdan sa sunod meeting.

Hinimo ni Romeo Bonsocan

Aprobado ni Jeremiah Bondoc

Read More

3/31/12 Tabi sa Tigom

Tabi sa Tigom

3/31/12 5:00 PM—6:10 PM

Mga Mingtambong:

Jeremiah Bondoc

Josua Cabrera

Nancy Nacua

Romeo Nicolas Bonsocan

Radel Paredes

MGA GIPANGHISGOTAN

E-Book

·         Gitakda ang kataposang pagpanawat sa mga tampong balak (3 ka balak matag miyembro) sa Abril 13 (ang Biyernes usa ang sunod nga meeting).

·         Ania ang mga miyembro nga nakapadala nag balak:

o   Ioannes Arong

o   Noel Rama

o   Vince Cinchez

o   Dodong Muralla

Cebu Arts Council Basabalak

·         Wala pay petsa ang sunod ug kataposang Basabalak sa CNU.

·         Ania ang mga miyembro nga mobasa og balak:

o   Ioannes Arong

o   Nancy Nacua

o   Karla Quimsing

o   Dodong Muralla

Basabalak sa Abril

·         Gitakda ang Basabalak sa Abril 22 (Dominggo) sa Maribago Blue Water.

·         Kini ang Earth Day celebration sa Maribago Blue Water.

·         Imbitado ang 7-8 nga miyembro sa Bathalad nga mobasa og balak alang sa kalihokan.

Basabalak sa Hulyo

·         Imbitado ang Bathalad ni Pablo John Garcia sa Aloguinsan alang sa pagbasa og balak.

Pinansiyal

·         Gitakda ug kinahanglan na nga mo-report si Karla Quimsing alang niining maong butang sa sunod na nga meeting.

Kal-ang Exhibit

·         Dunay nay kuwarta ang Bathalad nga P5,000 gikan sa mga nahalin nga painting sa Kal-ang Exhibit.

SEC Registration

·         Gitakda ug kinahanglan na nga mo-report si Noel Villaflor bahin niining maong butang sa sunod nga meeting.

·         Motabang si Israel Ybanez sa pag-follow-up sa SEC Registration.

BISDAK Magasin

·         Magpagawas ang PRO nga sila si Josua ug Radel og press release niining maong mga kalihokan sa BATHALAD kang Dodong sa labing daling panahon:

o   Kal-ang Exhibit

o   Basabalak sa Abellana

o   Imong Atik, Akong Patik

·         Magpadala og mga larawan ug mubong saysay bahin niining maong mga kalihokan.

Inpormal nga Workshop

·         Gitakda nga matag buwan may himoon nga inpormal nga workshop ang BATHALAD.

·         Matag ikaduhang meeting sa buwan himoon nang inpormal nga workshop diin magdalag balak ang gustong moapil ug tukion kini sa workshop.

·         Sugdan kini sa Abril 28.

Dugang Balita

·         Himoon ni Josua ang mga sertipiko sa Magsusulat sa Tuig nilang Butch Bandillo ug Adonic Durado usa ang sunod nga meeting ug kinahanglan pang ikonsulta ni Nyor Erning ang teksto niini.

·         Kinahanglan pang ikontak si Gloria Sommer alang sa status sa librong Wanang sa BATHALAD.

·         Kon dunay interesado nga moapil sa BATHALAD, paapila sa mga regular nga basabalak ug ikontak ang mga opisyales sa organisasyon.

SUNOD NGA MEETING

·         Ang sunod nga tigom kay sa Abril 14 sa The Pantry sa alas 4:30 sa hapon.

Binuhat ni Romeo Nicolas Bonsocan

Read More

3/17/12 Minutes of the Meeting

Minutes of the Bathalad Meeting @The Pantry in Gallery, Mabolo March 17, 2012 5 pm to 6:30 Attendees: Ionnes Arong Dodong Morallo Josua Cabrera Radel Paredes Jeremaiah Bondoc Karla Quimsing AGENDA: I.                    WEBSITE a.       The official website of Bathalad, www.bathalad.com is already up and running since February 27. 2012.

Read More

Mga Litrato sa 'KAL-ANG: art exhibit ug basabalak'

Sa buwan sa Marso, ang KAL-ANG nga exhibit ni Josua Cabrera. Kini nahitabo kaniadtong Marso 10, 2012 sa Sacred Heart Church. Ania ang mga hulagway sa maong okasyon:

Read More

KAL-ANG: Eksibit ug Basabalak

Ania na ang atong Basabalak sa buwan sa Marso. Adto ta!

Read More

Sa Akong Pagbiya sa Piyer Tres

(gibasa kaniadtong Pebrero 11, 2012 atol sa "Imong Atik, Akong Patik" nga Basabalak)
(alang kang Genica Mijares)

Alas 6:30 sa buntag 

Namasin ko nga imong kuptan
Aron di ko makalawig pahilayo kanimo
Apan ikaw igo lang mitan-aw sa panganod
Taliwa sa mga taligsik nga nangabot
Nga nangligid sa atong bukubuko.
Sa kataposang higayon gisud-ong ko ikaw
May dag-om nga milugok sa imong mga mata
Tuod, bumubundak na ang ulan
Ug paninguhaa nga di ka karon makahilak
Samtang pugngan ko sad nga di makadaghong
Ang mga balod sulod sa akong kasingkasing
Kay parat nga tubig sa dagat
Misugod na sa paglihok-lihok aron itulod
Ang akong panamilit sakay ning fast-craft
Nga mitabas sa kamingaw sa lawod ning dughan

Apan manumpa ko nga ning orasa ako mobalik
Inig pagpanglabay sa adlaw, buwan ug mga bituon
Dinhi ning dapita sa tiilan sa panahon.


ERNESTO LARIOSA
San Fernando, Sugbo

Read More

Cora, Sa Imong Pag-abot

(gibasa kaniadtong Pebrero 11, 2012 atol sa "Imong Atik, Akong Patik" nga Basabalak)
(alang sa Palanca Awardee, Cora Almerino)

Buot kong mahubog ning imong pag-abot
Aron taralon ngadto sa bisan asang suok sa panahon
Kay tatak kini sa nangaging mga adlaw ug gabii
Diin atong giinom, gidug-ab ug gisuka ang liboan
Ka mga letra nga nagdibuhog mga metapora
Ibabaw sa nag-umog nga lapad natong lamesa.
Sa atong pag-alima ug pagpasagad sa atong mga damgo
Gipangga nato ang Adlaw, dag-om, bituon ug kalangitan
Nga nanamin sa atong pagpangyam-id, panaway ug bugal-bugal
Sa atong gipuy-an nga kalibotan nga nagmugna nato.
Buot lagi ko nga mahubog aron akong iyawyaw nimo
Ang ngalan nga Myke, Adonis, Januar, John B. Ulysses, Noel R,
Jeremiah, Josua, Gerard, Delora, Eyon (PSK), Tem (PSK), Fred C (PSK)
Lam, ug uban kanila nangahas ta
Pag-ugay-ugay sa kahayag sa mga bituon sa langit
Nga kadaghan nato matungab sa atong mga katawag bahakhak.
Bitaw, gusto kong mahubog uban kanimo aron mabatyag nako pag-usab
Ang imong kusog, kalig-on, kahalangdon ug kamatinud-anon.
Nga wan a nako mahikap, mahangop, mahingos sa dugayng panahon.
Matahom ang imong mga balak Cora, kanila buot kong mahubog.


ERNESTO LARIOSA
San Fernando, Sugbo

Read More

Kal-ang

(gibasa kaniadtong Pebrero 11, 2012 atol sa "Imong Atik, Akong Patik" nga Basabalak)

Bisan kon mahapuhap ko ikaw sa akong mga mata
Di ko gihapon mahikap ang imong kasingkasing
Sa kaduol atong duha nagkapingki ang atong mga balisbisan
Gani naggakos pa ang atong duha ka sandayong
Inig ulan maghiusa god ang atong tubig pagdailos sa ubos
Kon tutokan nato daw usa ra ang tinubdan sa dagayday
Sa atong damgo ingon man ang padulngan
Ning atong pangandoy sa layong unahan.
Apan wa pay umoy ang akong pulong pagkablit kanimo
Bisan karon nga ikaw tupad na kanako
Naghuwat dinhi sa kahilom kanus-a nako takdoon.
Ug bugkuson ang kutay sa atong gilay-on.


ERNESTO LARIOSA
San Fernando, Sugbo

Read More

2/25/12 Minutes of the Meeting

BATHALAD MEETING
2/25/2012

5:00 PM until 6:45 PM

Attendees:

Jeremiah Bondoc (President)

Romeo Nicolas Bonsocan (Secretary)

Nancy Noel Nacua (Auditor)

Radel Paredes (PRO)

Josua Cabrera (PRO)

Nyor Ernesto Lariosa (Adviser)

AGENDA:

Read More

Mga Litrato sa 'Imong Atik, Akong Patik'

Sa buwan sa Pebrero, nahitabo ang Basabalak sa BATHALAD kaniadtong Pebrero 11 sa Handuraw Cafe. Mao kini ang mga hulagway gikan sa maong okasyon:

Read More

Imong Atik, Akong Patik

Magtapok-tapok na pod kita ug atong pagasawhan ang mga tinipigan sa dughan ug dayag kining ikulit sa atong mga panit. Karong Sabado na Pebrero 11, alas-7 sa gabii, sa Handuraw Cafe. Gidapit kadtong mga mahiligon sa balak, sa arte sa pamintal sa panit ug ang tanan nga mga walay kabilingan.

Read More

2/5/12 Minutes of the Meeting

BATHALAD MEETING
2/5/2012

3:00 PM until 4:35 PM

Attendees:

Jeremiah Bondoc (President)

Noel Villaflor (Vice)

Romeo Nicolas Bonsocan (Secretary)

Karla Quimsing (Treasurer)

Nancy Noel Nacua (Auditor)

Radel Paredes (PRO)

Josua Cabrera (PRO)

AGENDA:

Read More

Mga Mananaog sa Tigi sa Sinulatay 2012

Ania ang talaan sa mga mananaog sa BATHALAD Tigi Sa Sinulatay 2012:



GUMALAYSAY
Unang Ganti - Ang Tinunglong Yuta by Galileo T. Sayson 
Ikaduhang Ganti - Mga Pulong Bag-o ug Daan Dakog Kontribusyon sa  Kalamboan sa Atong Pinulongan by Marcello A. Geocallo
Ikatulong Ganti - Ang Kalamidad Ug ang Trahedya by Eufemio M. Flores
Unang Pinasidunggan - Hagtos by Noel P. Tuazon
Ikaduhang Pinasidunggan - Trahedya by Nards Ver Melendres
Ikatulong Pinasidunggan - Tuod by Fred Fuentes Monternel


BALAK
Unang Ganti - Sama Nimo by Noel P. Tuazon
Ikaduhang Ganti - Ang Bunga sa Imong Pag-ampo by Romeo Nicolas Bonsocan
Ikatulong Ganti - Ang Pasiplat sa Kalainan by Noel P. Tuazon
Unang Pinasidunggan - Latagaw sa Dakbayan by Lamberto Ceballos
Ikaduhang Pinasidunggan - Mga Kinabuhi sa Kangitngit by Javier Yntig Tapulado
Ikatulong Pinasidunggan - Dihang Nasunog ang Kalayo by Gumer M. Rafanan


SUGILANON
Unang Ganti - Ang Tamboli sa Bata sa Mahayag by Gremer Chan Reyes
Ikaduhang Ganti - LAWAK by Gremer Chan Reyes
Ikatulong Ganti - Ang Babayeng Way Ngalan ug ang Timeless Moment by Noel Tuazon
Unang Pinasidunggan - Drama sa Basurahan by Lamberto Ceballos
Ikaduhang Pinasidunggan - Si Kabang by Fred Fuentes Monternal
Ikatulong Pinasidunggan - Maomaong Kalibotan by Gumer M. Rafanan


SUGILANONG PAMBATA
Unang Ganti - Panamilit ni Dakolkol by Lamberto Ceballos
Ikaduhang Ganti - Kadena by Fred Fuentes Monternel
Ikatulong Ganti - Mga Bentahoso by Gumer Rafanan
Unang Pinasidunggan - Ang Pasko Anaa ra Diay sa Kasingkasing by Melchor U. Yburan
Ikaduhang Pinasidunggan - Ang Ugis Nga Himungaan by Fred Fuentes Monternel
Ikatulong Pinasidunggan - Ang Paktol ni Tatay by Fred Fuentes Monternel


KRITISISMO
Unang Ganti -  Hukngay sa Sugilanon "Dili Alang Kang David ang Baboy-Ihalas" by Marcelo A. Geocallo
Ikaduhang Ganti - Daan ug Bag-o: Mga Tingog sa Pamalak Sugbuanon by Lamberto Ceballos
Ikatulong Ganti - Hukngay sa Sugilanon ni Gremer Chan Reyes: "Patay nga Kalibutan" by Marcelo A. Geocallo
Unang Pinasidunggan - Katitikanong Paghukngay by Galileo A. Sayson
Ikaduhang Pinasidunggan - Unsa Kahabog ang Lupad sa Tabanog? by Anito B. Baronilla


DRAMA
Unang Ganti - 1st D8 sa Txtm8 by Romeo Nicolas Bonsocan
Ikaduhang Ganti - Kahiamgo by Fred Fuentes Monternel
Ikatulong Ganti - Kanus-a Mobul-og ang Pagpakabana by Marcelo Baterna
Unang Pinasidunggan - Paabuton Ko by Fred Fuentes Monternel
Ikaduhang Pinasidunggan - Ang Tinamay by Gumer M. Rafanan



NOBELA

Read More

BATHALAD Kombensiyon 2012

Saturday January 28, 2012 
@  Marcelo Fernan Press Center Lahug 



*registration fee 100P, for students 75P (standby for press release) 

BATHALAD HOLDS ANNUAL CONVENTION AT FERNAN PRESS CENTER

On Saturday, January 28, Bathalad Inc. will hold its annual convention at the Marcelo Fernan Press Center in Ecotech, Lahug, Cebu City. The group of Cebuano poets and writers is holding the convention in partnership with the The Arts Council of Cebu, furthering its commitment to uphold the local literary arts.

The theme of Bathalad's 2012 Convention is "Kinutil: Ang Pagtuhop sa Balak sa Ubang Porma sa Arte" will feature two speakers and several performers. Radel Paredes will be talking on the poetry that is visual art while Bisdak rapper Kris Villarino will share his experience in incorporating poetry into his rap. Performance artists and Bathalad member Chai Fonacier will do beat poetry. A mixed media exhibit will feature for viewing works from Radel Paredes, Josua Cabrera, Janel Lim, Nomar Miano, K Paller-Rivera, Soi Paz, RV Sanchez, Jeffrey Sisican, Noel Villaflor and Adonis Durado.

The winners of Bathalad's recent writing contest will also be announced and awarded by Bathalad founder Mel Allego. Bathalad founding members and younger torchbearers will also be reading their poetry in between the lectures and performances. 

The convention will start at 1 PM and end at 5 PM. All literature students and enthusiasts in Cebu are invited. Registration fee is 100 pesos, inclusive of snacks and reading materials. For more details, please email bathalad@gmail.com or check out the group page in Facebook.

Read More

BATHALAD reads at RoadRev Dec 16, 2011 at The Outpost, Lahug Cebu

Read More

BATHALAD General Assembly Dec 12, 2011

Ang Bathalan-ong Halad sa Dagang kun BATHALAD usa ka pundok sa mga magsusulat sa pinulongang Binisayang Sinugboanon. Kini natukod niadtong Agosto 19, 1969, pinaagi sa paningkamot ni Dr. Melquiadito M. Allego, Jr.

Radel, Jeremiah, Butch and Josua

Photo by Gloria Sommer

TonTon, Butch, Josua and Kei

Read More